الحظ لما يآآآتى

قبل ان يطرح العقار فى الاسواق ويصل الى يد المريض يمر بمراحل متعددة .. بدءأ من تجربته على الحيوانات والكثير من الدراسات الاحصائية المعقدة ثم التجارب على المتطوعين البشريين ثم دراسة تأثير العقار على البشر ووجود اثار جانبية من عدمه على المدى القريب والبعيد ثم ياتى الى قرار وزارة الصحة الخ الخ ... موااااال كبير

عقار جديد مطروح لعلاج ارتفاع ضغط الدم ... يمر بالخطوات المعتادة .. التجربة على حيوانات التجارب .. التجربة على المتطوعين .. ثم الدراسات على تأثير العقار الطبى ... اكدت تلك الدراسات ان انخفاض الضغط الذى ظهر لدى المتطوعين لم يكن معظمه بسبب العقار , مما يدل على ان العقار ليس له تاثير على ارتفاع ضغط الدم .. بمعنى اخر انه عقار فاشل .. لكن المتطوعين كان لهم رأى اخر

فعندما تم سؤال المتطوعين الذين تناولوا العقار بالفعل لفترة هى فترة دراسة تاثير العقار الطبى .. كان رأيهم مخالفا للدراسات وان العقار حقا ممتاز ..ممتاز اوى كمان

ايه السر فى الدرة دى ؟ الحكايه فيها إنـّه .. تبين ان العقار له تأثير على الناحية الجنسية .. أن أن آآآآآآآآن ... اممممممممم بقا هى الحكاية كده

ومن ساعتها تحول اتجاه العقار 180 درجه فورا , فبعد ان كان هدفه خفض ضغط الدم .. اصبح هدفه ارتفاع الـ .. احم .. ارتفاع الناحية الجنسية وخصوصا لدى الرجال .

العقار ده يا حضرات هو ( الفياجرا ) اللى اصبح ليها شنة ورنة واصبحت تتهرب من دول لدول وتتقفش فى الجمارك وتتقفش تحت المخدات وفى جيوب الرجاله

الحبة الزرقاء العجيبة اللتى يتغنوا بها فى الافراح ويقولون : يالهوى عاللى بيحصل يالهوى عاللى بيجرى .. عيال بيشموا كوله وشباب بياخدوا فياجرا

طبعا ده كان من حسن حظ الشركة المنتجة للعقار .. ومن حسن حظ الرجاله كمان لو انت واخدلى بالك .. ومفيش شك انه من حسن حظ الستات برضو

انا كنت بتكلم عن ايه اساسا ؟ اه .. شفت بقا الحظ لما يآتى ؟ بيخلى الاعمى ساعاتى فعلا كما يقول المثل . سبحانك يارب