Wael , 24y
Alazhar university
medicine faculty


اعرض البروفايل كاملا

جاى شطرنج ؟


رابط مدونة البلوجرز

لو شايف ان المدونة مفيدة الصق الكود فى مدونتك
ليظهر عندك رابط بهذا الشكل




اشكال بديلة اخرى من هـنـا


ضع ايميلك لتصلك احدث المواضيع

اكتب ايميلك هنا

تصفح مدونتك او اى مدونة من هنا مباشرة

ضع هنا اسم مدونتك http://.blogspot.com 

+ + + + +
Share/Save/Bookmark

الأحد، 30 ديسمبر 2007

Happy New Year



فعلا , الانسان دفتر ورق
ياترى 2008 مخبية ايه
اهم حاجه متبصش وراك


356 يوم بالتمام والكمال مرت لتفصح عن عامى الثانى والعشرين
بالويندوز كالكيوليتور اكتشفت الاتى
اذا كان متوسط ساعات نومى 7 ساعات بالنسبالى فانا فاتنى حوالى 103 يوم بحالهم من سنة 2007 ونا نايم .
اما باقى الايام فيمكن تصنيفها كالاتى :
بالنسبة للدراسة طلع ان على مدار 8 شهور دراسه قضيت حوالى 15 يوم فى المواصلات من والى مقر الدراسه , متنقلا بين اتوبيس 346 واتوبيس 720 واتوبيس 102 وباقى الميكروباصات اغلبها متعلقة بمحطة رمسيس .
وحوالى 20 يوم فى مقر الدراسة سواء فى الكلية او المستشفى .
اما البيت بقا , طلع ان حوالى 40 يوم ادام الكمبيوتر .
وحوالى 4 ايام امام التليفزيون .
و حوالى 7 ايام فى الحمام .
وحوالى 15 يوم فى انتظار الشاى على النار لغاية مايغلى .
وحوالى 20 على مائدة الغذاء .
وحوالى 30 مذاكرة مناهج الدراسه مرارا وتكرارا.
و 13 قراءة حاجات تانية كتب وجرانين وخلافه .
و 13 يوم تقريبا مناسك .
خارج البيت بقا كالتالى
قعدات يوم الخميس الشهيرة كان لها نصيب حوالى 4 ايام
والمشاوير الاخرى كاحضار الفطار ومشاوير البيت حوالى 6 ايام .
خروجات الشله المعهودة والـ (تسنكح) على الطرقات حوالى 3 ايام .
فيه حاجه تانى ؟ مش قادر افتكر
طيب دول حوالى 276 يوم نطرحهم من 356 يتفضل 80 يوم , تقولى راحوا فين اقولك الله اعلم . جزء كبير منهم ضاع فى التفكير البوهيمى والتاليف الادبى والتامل العميق احيانا , وجزء فى انتظار المواصلات على مختلف المحطات , المهم انهم ضاعوا وخلاص .
اما عن الانجازات فلا يوجد اهم من انى مازلت على قيد الحياه وان مجموعه من الخلايا بجسدى لم تقرر بعد ان تتحول لخلايا سرطانية , او على الاقل قررت لكنها لم تجعلنى اشعر بقرارها الحكيم الى الان .
على اى حال باقى من الزمن قليل وعام جديد يبدأ , ياترى بابانويل هاييجى وانا نايم يحدف عليا هديه ولا هايحدف عليا زلطه حتا ؟ والله انا خايف لحسن يدخل عليا بابا عبد اللطيف مش بابانويل , يلا ربنا يستر .
اما الان فهذه هى اللحظة التى كنت انتظرها منذ زمن بعيد , اللحظة التى سانام فيها ولا استيقظ الا فى العام التالى . اشوفكوا السنه الجاي

اضغط على عنوان البوست لتظهر التعليقات

نص كلمة


0 Online Users