Wael , 24y
Alazhar university
medicine faculty


اعرض البروفايل كاملا

جاى شطرنج ؟


رابط مدونة البلوجرز

لو شايف ان المدونة مفيدة الصق الكود فى مدونتك
ليظهر عندك رابط بهذا الشكل




اشكال بديلة اخرى من هـنـا


ضع ايميلك لتصلك احدث المواضيع

اكتب ايميلك هنا

تصفح مدونتك او اى مدونة من هنا مباشرة

ضع هنا اسم مدونتك http://.blogspot.com 

+ + + + +
Share/Save/Bookmark

الأحد، 10 فبراير، 2008

يا فرحتى بالكاس , بلا نيله



المنتخب بسلامته كسب كاس افريقيا , يافرحتى
والريس - بسلامته برضو- هايبعتهلم طيارة حربية تاخدهم من غانا ومعاهم الكاس المفدى , يافرحتى
وكل لاعب منهم هياخد مكافاة مش اقل من مليون جنيه , يافرحتى
كاس سادس ينضم لقائمة الكؤوس التى حصل عليها المنتخب , ليثبت للعالم ان الفراعنه المصريين قادرين على اللعب الجيد , ربما هم غير قادرين على " الجد " الجيد , لكنهم كما ترون قادرين على اللعب الجيد . يافرحتى كمان مرة
المعلق بعد هدف الجندى المجند خادم البشريه محمد ابو تريكة بيقول فى تعزئة لمنتخب الكاميرون اثناء التعليق " تلك الايام نداولها بين الناس " , طب اقوله ايه ونبى ؟

ياجدعااااااااااااااااااااااان دى لعبه , اشق هدومى ؟ الطم ؟ الطم يقولوا الوليه اتجننت ؟

هاتقولى انت معندكش انتماء ولا ايه ؟ انتا شيوعى يلا ؟ انت قاسم السماوى ولا مين انطق ؟

ياعم ولا قاسم السماوى ولا حاجه , بس اللى مزعلنى - بغض النظر عن حال البلد المتدهور و النظرة المبالغ فيها للعبة كرة القدم واللعيبة اللى اصبحوا قدوة للشباب على لسان المعلقين , وبغض النظر عن المكافئات المبالغ فيها للعيبه وخدلى بالك من كلمة لعيبه دى , وبغض النظر عن ان عمرو زكى اصبح تايجر الكرة المصرية , عمرو زكى هه , عمرو زكى بتاع الزمالك اصبح تايجر الكرة المصرية , يمكن برضو - بغض النظر عن كل اللى فات ده الشئ الوحيد اللى بيؤلمنى ويحز فى نفسى ان كرة القدم اصبحت الشئ الوحيد فى مصر الذى يدعو الى الانتماء , او على الاقل الذى ينال انتماء الناس . انتماءالشعب المصرى اصبحنا لا نشاهده سوى فى مباريات المنتخب او مباريات النادى الاهلى امام احدى الفرق الاجنبيه

انا عندى انتماء برضو, بس نفسى اننا ندى اهتمام بالكجالات التانية نص , لا ربع ما بندى مجال الكورة , نفسى نهتم بعقولنا زى مابنهتم برجولنا , النهردة عندنا قنوات متخصصه ف كرة القدم , مش بس بتعرض المطش لأ ,دى الاول تجيب ساعة تحليل قبل المطش وبعدين تعرض المطشوبعدين ساعة تحليل كمان بعد المطش , وبعد ماتخلص تعيد الكلام ده مرة تانى اثناء الاربعة وعشرين ساعه , ومفيش قناة عربية واحده توحد ربنا لها علاقة بالعلم مثلا ولا حتى بالصحة , يعنى مش حاجه تكسف ؟
لما واحد شاب طالع عين ابوه ف دراسته وحالته باللضا ومركب نضارة قعر كوبايه من كتر البحث وفجاة يلاقى ان اللى ف سنه بس وظيفته فى الحياه انه يلعب ويدخل الكوره بين التلات خشبات احسن منه 100 مرة , ده يكون شعوره ايه ؟ مش حاجه تكسف ؟

طيب والله لو بنلعب حلو ماهزعل بالشكل ده , انما احنا اساسا مبنلعبش حلو
عارف لو احنا ف مقام البرازيل مثلا , كنت قلت ماشى اهو على الاقل حاجه برعنا فيها على مستوى العالم , انما احنا لما بنقابل فرقه اوروبيه بنتسكع اربع خمس تجوان , الاهلى اهو لما قابل برشلونة اتسكع مش فاكر اربعه ولا خمسه , ومع ذلك اهو نادى القرن .
حتى الفوز بتاع النهردة ده كان مشكوك فيه وفيه بلنتى متحسبش لفريق الكاميرون . لو كنا احنا اللى البلنتى متحسبلناش كانت مصر كلها قامت على رجل ويكون الحكم هو السبب ف ضياع امجاد وتاريخ مصر العظيم .
انا مش عارف ايه اللى خلانى اتكلم فى الموضوع ده انا مش بحب الـ " نفخ فى الارب المقطوعة" لكن بجد لم اعد اطيق سماع المباريات بعد الان . واظنها مباراة مصر والكاميرون ستكون مباراة اعتزالى للمشاهده نهائيا محليا ودوليا واحتفظ فقط بحق الممارسه .
ملحوظة هامه : فى عام 2006 مصر كسبت بطولة الامم الافريقية فى يوم 10/2
والنهردة برضو مصر كسبت البطولة يوم 10/2
يوم 10/2 ده عيد ميلادى , شفتوا بقا ؟
وبعد كده ال يقولك ايه المكسب كان بفضل قيادة المعلم حسن شحاته ال , ياعم رووووووووووووح




اضغط على عنوان البوست لتظهر التعليقات

نص كلمة


0 Online Users